PISAE

PISAE
PISAE
pluralis numeri Tusciae oppidum, inter Arnum et Auserem amnes, a Pisaeis conditum, Elidis populis, Strabone teste, l. 5. qui Nestorem ad Ilium secuti, in reditu tempestate disiecti, alii quidem Metapontum, alii litus Tyrrhenum tenuerint, ubi a nomnie relictae patriae, Pisas condiderunt: in solo frumenti et vini generosissimi fecundo. Sedes hodie Ordin. Equestr. S. Stephani, qui ibi in templo huic dicato, magnâ cum pompa, statis tempribus conveniunt. Templum Cathedrale nititur columnis ex marmore 72. portaeque eius ex aere, quae ex templo Salomonico huc translatae finguntur: turris inclinata, Palatium, curia, Hortus Medicus, et Collegium; visu digna hic conspiciuntur. Pissa duplici ss. habent Ptol. et Lycophron. Baudraudo urbs ampla est, cum arce permunita. alias sui iuris et potens Res publ, quae Sardiniam e manibus Saracenorum vindicavit, Carthaginem domuit, et egregiam Christlianis Orientalibus navavit operam. Capta a Galeatio, A. C. 1390. expugnata a Florentinis, restituta libertuti, A. C. 1494. per Carolum VIII. Gallorum Regem demum A. C. 1509. ad Magnum Hetruriae Ducem devoluta est, 6. milliar. ab ostiis Arni, ibi Academia instituta A. C. 1309. et Concilium celebratum, A. C. 1409. Nunc parum populosa est. Alpheas vocat Virg. Aen. l. 10. v. 179.
Hos parere iubent Alpheae ab origine Pisae.
Claudian. de bello Gildonico, v. 483.
———— Nec Alpheae capiant navaelia Pisae.
Rutilius, l. 1. v. 573.
Elide deductas suscepit Etruira Pisas.
Eius meminit lucanus, l. 2. v. 401.
Hinc Tyrrhena vado frangentes aequora Pisae.
Quia iam supra Concilii alicuius hîc celebrati mentio facto est, paulo prolixior historia non abs re erit. Concilium 1. ab Innocentio II. hîc habiturn. A. C. 1134. cui Praesules ex Gallia, Germania et Italia intererant: quô Anacletus Antipapa excommunicatus est, et contra Schismaticos varia ordinata. Iterum A. C. 1409. cum diuturnô et horribili schismate Ecclesia laboraret. Gregoriô XII. Romae, et Benedictô XIII. Avenione sedente. Gregorius enim, in electione ad Unionem iuramentô adstrictus, cum postea ne audire quodemde concordia vellet: Pasquillô exprobrante, Absolutionem a iuramento, a Diabolo ei factam esse, Theodor. a Niem, tract. 6. Labyr. c. 29. Sorbona insuper decrevisset, Ecclesiam Gallicam nullô iure obstricatam esse, ut Papae pecunias pendat, nisi in tribus causis. Monstrel. l. 1. c. 67. Aliique ad remedia clamarent, Cardinales secessione factâ, hîc Conciliô 180. Episcoporum 300. Abbatum, 282. Theologor. etc. celebratô, utrôque Papâ depositô, tertium in theatrum produxêre Alexandrum V. Quô brevi defunctô Iohannes XXIV. se fraude obtrusit. Tertium A. C. 1511. a Ludovico XII. Galliae Rege hîc indictum, indeque Mediolanum et Lugdunum translatum est, in quo contra Iulium II. at qualem hominem, de emendando Ecclesiae statu actum: nummô aureô a Ludovico Neapoli cusô, cum elogio: Perdam Babylonis nomen, Thuan. Hist. l. 1. p. 11, edit. Gen. Acta Concilii Pisani, edita in
4 to. A. C. 1612. Plura de Urbe, vide apud Leandr. Albert. descr. Ital. Addo, quod inventa hic, post augustissimi Templi, quod hôc saeculô miserandô incendiô conflagravit, ruinam memorabilis lucerna. bitumine plena et calens adhucm de qua vide Iac. Mancini Politiani Literas ad Licetum, et hunc de Lucernis Antiqq. l. 1. c. 16. et l. 3. c. 14. Ab eadem urbe, Pisanorum Liberator, Ludovicus XI. Galliarum Rex appellatus est, uti es aureo eius nummo docet Car. de Fresne, voce Moneta.

Hofmann J. Lexicon universale. 1698.

Игры ⚽ Поможем сделать НИР

Look at other dictionaries:

  • Pisae — Pisa …   Deutsch Wikipedia

  • PISE — Pisae …   Abbreviations in Latin Inscriptions

  • ПИЗЫ —    • Pisae,          Πίσαι, весьма древний и важный город Этрурии при стечении Авсера и Арна, в 20 стадиях от устья последнего, один из 12 этрусских союзных городов, впоследствии римская колония. На севере от города находились горячие минеральные …   Реальный словарь классических древностей

  • PISEFRACTEKMO — Pisae fractae kastrensem modium …   Abbreviations in Latin Inscriptions

  • Via Aurelia — The Via Aurelia was a Roman road constructed around the year 241 BC. The project was undertaken by C. Aurelius Cotta, who at that time was censor.Hornblower, Simon, Antony Spawforth. The Oxford Classical Dictionary. 3rd ed. Oxford: Oxford… …   Wikipedia

  • Vía Aurelia — Mapa de Italia en que se ilustran algunas de las principales calzadas romanas: La Vía Aurelia en amarillo. La Vía Aurelia (en latín Via Aurelia) fue una calzada romana que llevaba de Roma a Pisa (Etruria) y a la costa de Liguria y los Alpes… …   Wikipedia Español

  • Via Aemilia — (It. Via Emilia ) was a trunk Roman road in the north Italian plain, running from Ariminum (Rimini), on the Adriatic coast, to Placentia (Piacenza) on the river Padus (Po). It was completed in 187 BC. The Via Aemilia connected at Rimini with the… …   Wikipedia

  • Apuani — The Apuani were one of the most formidable and powerful of the Ligurian tribes who lived in ancient north western Italy, mentioned repeatedly by Livy. From the circumstances related by him, it appears that they were the most easterly of the… …   Wikipedia

  • Gaius Iulius Caesar (Prätor 92 v. Chr.) — Gaius Iulius Caesar (* um 135 v. Chr.; † 85 v. Chr. in Pisae) war ein Politiker der späten römischen Republik und der Vater des gleichnamigen Diktators. Er bekleidete die Ämter des cursus honorum bis zur Prätur. Seine Tochter Iulia war die… …   Deutsch Wikipedia

  • Via Aemilia Scaura — Das römische Straßennetz. Die Via Aemilia Scauri in graublau. Die Via Aemilia Scauri [1] ist eine Römerstraße, die Marcus Aemilius Scaurus der Ältere während seiner Amtszeit als Censor im Jahr 109 v. Chr. in Auftrag gab. Sie verlief von Placentia …   Deutsch Wikipedia

Share the article and excerpts

Direct link
… Do a right-click on the link above
and select “Copy Link”